ഫേസ്ബുക്കില്‍ നിങ്ങളുടെ വ്യക്തിപരമായ വിവരങ്ങള്‍ നിരീക്ഷിക്കുന്നുണ്ടോ? കണ്ടെത്താം.......

ഫേസ്ബുക് ലോക കാര്യങ്ങള്‍ അറിയാനും സുഹൃത്തുക്കളുമായുള്ള ബന്ധം നിലനിര്‍ത്താനുമെല്ലാം ഏറെ നല്ലതാണ്. എന്നാല്‍ അതോടൊപ്പം ചില ദോഷവശങ്ങളുമുണ്ട് ഈ സൈറ്റിന്. സുരക്ഷിതത്വമില്ലായ്മതന്നെയാണ് പ്രധാനം. അതായത് നിങ്ങളറിയാതെ നിങ്ങളുടെ വ്യക്തിപരമായ വിവരങ്ങള്‍ പല കമ്പനികളും ശേഖരിക്കുന്നു എന്നതുതന്നെ. എങ്ങനെയെന്നല്ലേ, ഫേസ്ബുക് അക്കൗണ്ടിലുടെ ഏതെങ്കലും ആപ്ലിക്കേഷന്‍ ഡൗണ്‍ലോഡ് ചെയ്യുകയോ ഏതെങ്കിലും വെബ്‌സൈറ്റില്‍ ലോഗ്ഇന്‍ ചെയ്യുകയോ ചെയ്യുമ്പോള്‍ നിങ്ങളുടെ ഫേസ്ബുക് അക്കൗണ്ടും വ്യക്തിപരമായ വിവരങ്ങളും വരെ ആ കമ്പനികള്‍ക്ക് പരിശോധിക്കാന്‍ സാധിക്കും. ഇ-മെയില്‍ അഡ്രസ്, ഫോണ്‍ നമ്പര്‍, ലൊക്കേഷന്‍ തുടങ്ങിയ വിവരങ്ങളൊക്കെ ഇതില്‍ പെടും. തീര്‍ന്നില്ല, നിങ്ങളുടെഫ്രണ്ട്‌സ് ലിസ്റ്റില്‍ ഉള്ളവരുടെ വിവരങ്ങള്‍ പോലും ഈ കമ്പനികള്‍ക്ക് പരിശോധിക്കാന്‍ കഴിയും. ഇത്തരത്തില്‍ നിങ്ങളുടെ വ്യക്തിപരമായ വിവരങ്ങള്‍ മറ്റുള്ളവര്‍ അറിയുന്നത് തടയണമെന്നുണ്ടോ. എങ്കില്‍ ചുവടെ കൊടുത്തിരിക്കുന്ന ഏതാനും സ്‌റ്റെപ്പുകള്‍ പിന്‍തുടര്‍ന്നാല്‍ മതി.

സ്‌റ്റെപ് 1 ആദ്യം ഫേസ്ബുക്കില്‍ ലോഗ് ഇന്‍ ചെയ്ത ശേഷം മുകളില്‍ കാണുന്ന സെറ്റിംഗ് ബട്ടണില്‍ ക്ലിക് ചെയ്യുക.

സ്‌റ്റെപ് 2 ഇനി താഴേക്ക് സ്‌ക്രോള്‍ െചയ്തശേഷം സെറ്റിംഗ്‌സ് എന്ന ടാബില്‍ ക്ലിക് ചെയ്യുക

സ്‌റ്റെപ് 3 ഇപ്പോള്‍ തുറക്കുന്ന പേജില്‍ ഇടതുവശത്തു കാണുന്ന ആപ്‌സ് എന്നതില്‍ ക്ലിക് ചെയ്യുക.

സ്‌റ്റെപ് 4 ഇപ്പോള്‍ കുറെ ആപ്ലിക്കേഷനുകള്‍ കാണാം. ഇതെല്ലാം നിങ്ങളുടെ

അക്കൗണ്ട് പരിശോധിക്കാന്‍ അനുമതിയുള്ള ആപ്ലിക്കേഷനുകളാണ്

സ്‌റ്റെപ് 5 എന്നാല്‍ ഇതുകൊണ്ട് തീര്‍ന്നില്ല, കൂടുതല്‍ ആപ്ലിക്കേഷനുകള്‍

 നിങ്ങള്‍ ഡൗണ്‍ലോഡ് ചെയ്തിട്ടുണ്ടെങ്കില്‍ പേജിന്റെ ഏറ്റവും താഴെയായി 

ഷോ ഓള്‍ ആപ്‌സ് എന്നു കാണാം അതില്‍ ക്ലിക് ചെയ്യണം.

സ്‌റ്റെപ് 6 ഇനി ഓരോ ആപ്ലിക്കേഷനിലും എഡിറ്റ് എന്ന ബട്ടനില്‍ ക്ലിക് ചെയ്യുക. ഇപ്പോള്‍ തുറക്കുന്ന പേജില്‍ രണ്ടാമതായി ദിസ് ആപ് നീഡ്‌സ് എന്നു കാണാം. അതിനുനേരെ ചേര്‍ത്ത വിവരങ്ങളെല്ലാം ആ ആപ്ലിക്കേഷന്‍ സെര്‍വറില്‍ ഉണ്ടായിരിക്കുമെന്നാണ് അര്‍ഥം. അടിസ്ഥാനപരമായ വിവരങ്ങള്‍ക്കു പുറമെ, ഇ-മെയില്‍ അഡ്രസ്, ജനന തീയതി, ലൊക്കേഷന്‍ എന്നിവയൊക്കെ പല ആപ്ലിക്കേഷനുകളും ശേഖരിച്ചിട്ടുണ്ടാവും.

സ്‌റ്റെപ് 7 അടിസ്ഥാനപരമായ വിവരങ്ങള്‍ എന്നു പറയുമ്പോള്‍ പേര്, പ്രൊഫൈല്‍ ചിത്രം, യൂസര്‍ ഐഡി, സുഹൃത്തുക്കളുടെ ലിസ്റ്റ്, തുടങ്ങിയവയെല്ലാം ഉള്‍പ്പെടും. കൂടുതല്‍ അറിയണമെങ്കില്‍ ചിത്രത്തില്‍ കാണിച്ച വിധത്തില്‍ ബേസിക് ഇന്‍ഫര്‍മേഷന്‍ എന്നതിനൊപ്പമുള്ള ചോദ്യചിഹ്നത്തില്‍ കര്‍സര്‍ വച്ചാല്‍ മതി.

സ്‌റ്റെപ് 8 ഇനി ഓരോ ആപ്ലിക്കേഷനും നേരെയായി എഡിറ്റ് എന്ന ഓപ്ഷനും X എന്ന ഓപ്ഷനും കാണാം. X എന്നത് ഡിലിറ്റ് ചെയ്യുന്നതിനുള്ളതാണ്.

സ്‌റ്റെപ് 9 ഏതെല്ലാം ആപ്ലിക്കേഷനുകള്‍ക്ക് നിങ്ങളുടെ വ്യക്തിപരമായ വിവരങ്ങള്‍ പരിശോധിക്കാന്‍ കഴിയുമെന്ന് ഇപ്പോള്‍ മനസിലായല്ലോ. ആ ആക്‌സസ് തടയണമെങ്കില്‍ ഓരോ ആപ്ലിക്കേഷന്റേയും നേരെയായി കാണുന്ന ഡിലിറ്റ് (X) ബട്ടണ്‍ ക്ലിക് ചെയ്താല്‍ മതി. പിന്നീടൊരിക്കലും ആ ആപ്ലിക്കേഷന് നിങ്ങളുടെ വ്യക്തിപരമായ വിവരങ്ങളില്‍ ആക്‌സസ് ഉണ്ടാവില്ല.